Jarraipen telematikoak, geolokalizazioko baliza baten laguntzarekin (eguzki-transmisoreak), hegaztien joan-jinen kartografia lortzeko eta haien bizi-eremuak identifikatzeko aukera ematen du: jarduera-zentroak, elikadura-eremuak, ugalketa-lekuak eta giza jarduerekin izan ditzaketen interferentziak agerian utziz besteak beste.
Euskal Herriko mendietan, harraparien iraganak eta geroak bat egiten dute artzaingo iraunkorrarekin. Sai zuria adibidez hazle eta kabaletarik hurbil egoiten da aspalditik. Artzainak egiazko behatzaileak dira beraz, hurbiltasun erregular horri esker.
Hori dela-eta, Euskal Herriko Laborantza Ganbararekin partaidetzan, Saiak elkarteak proposatzen die inkesta bati erantzutea, beren jakinduriaren partekatzeko eta espezie horren hobeki ezagutzeko.
